شبسترلي ميرزه علي معجزين حاياتي
پروفسور محمدتقي زهتابي
علي، شمسي 1252 ـ نجي ايل فروردين آيين دوققوزوندا / ميلادي 1873 ـ نجو ايل مارس آيينين 29ـ ندا / شبيسترلي تاجير «حاجي آقا» ساوادلي عاييله‌سينده شبيسترين غربينده يئرله شن «سيسبگ» محلله‌سينده آنادان اولموشدور. علىنين آناسينين آدي «زهرا» ايدي. حاجي آقانين آتاسي «حاجي ميرزه» اؤز زامانيندا شبيسترين حاكيمي اولموشدور. دئمك علىنين دوغولدوغو عاييله، اؤز زاماني و موحيطينده نيسبتن وارلي، همده ساوادلي و آيدين اولموشدور. علي مكتب ياشينا چاتديقدا ايلك تحصيلاتيني، او دؤورون آيدين خانيواده‌لرينه خاص اولدوغو كيمي، او زامان شبيسترين مكتبلريند‌ن بيري اولموش «ملاعلي» آدلي بير موعلليمين قديم اوصول مكتبينده آلميش و او زامانين قايداسينا گؤره «ميرزه علي» آدلانميشدير. او زامان بوگون كيمي اورتا و عالي مكتبلر يوخ ايدي و آرتيق معلومات آلماق ايسته‌يه نلر يا ديني حووزه‌لره گئده‌رديلر و يا تحصيلي ترك ائديب چاليشارديلار. بوتون ساوادلي چاغداشلاري كيمي، ميرزه علىنين ده‌آلديغي رسمي ساواد، شبيسترده هامان قديم مكتبده‌آلديغي معلومات اولموشدور.
ميرزه علىنين آتاسي «حاجي آقا» اكثر شبيسترليلر تك، شبيسترليلرين دئدييي كيمي، ايستانبولچو ايدي، يعني خانيواده‌سيني شبيسترده قويوب ايستانبولا گئده ر و اوردا چالشيب خانيواده سيني گئچينديره‌ر و نئچه ايلدن بير شبيستره عاييله‌سينين يانينا گلردي. ميرزه علىنين ايكي بؤيوك قارداشي «حسن» و «حوسئين» ده، گنجليكده آتالاريله ايستانبولا گئتميش، اورادا چاليشميش و آتالاري كيمي اورادا دا وفات ائتميشلر. «حسن» و «حوسعين» نين ايستانبولا گئتديييندن سونرا، «زهرا» خانيم، كيچيك اوغلو «ميرزه علي» ايله قالير. «ميرزه علي»،اوشاقليق و ايلك گنجليك ايللرينده، آناسيله ياشاياركن اونون تنهاليغيني، ايستانبولا گؤز تيكمه‌سي و حياتلارينين ايستانبولدان گلن بارات، پول و خبرد‌ن آسيلي اولماسيني، اوشاقليق و گنجليك گؤزو ايله، دؤنه - دؤنه موشاهيده ائتميشدير. شبيستر و عمومييتله آذربايجان عاييله‌لرينين او زامانكي آغير و كدرله دولو حياتلارينين تصويري، سونرالار، شاعيرين ياراديجيليغيندا موهيم مساله‌لردن بيريني تشكيل ائتميشدير. ميرزه علي 16 ياشينا قده رآناسيله شبيسترده قالير و بو زامان اونون آتاسي وفات ائدير و قارداشلاري شمسي 1267 - نجي ايلده اونو ايستانبولا آپاريرلار. بونونلا دا ميرزه علىنين تقريبن 16ايل داوام ائتميش ايستانبول حياتي باشلانير.
ايستانبول حياتي ميرزه علىنين بير ساتيريك شاعير كيمي يارانماسي و فيكيرلرينين فورمالاشماسيندا اساس و حل ائديجي دؤور اولموشدور. جسارتله دئمك اولار كي، بو دؤور اولماسايدي، بوگون تانيديغيميز «ميرزه علي معجز» ده اولابيلمزدي. معجز ايستانبولداعرب ديليني اؤيره نير، تورك، فارس و عرب ادبيياتلاريله، اونلارين موختليف ادبي سيمالاري، اوسلوبلاري، مئتودلاري و درين ايجتيماعي فيكيرلريله تانيش اولور. بو دؤور ايستانبولدا مؤعجوزله ياخيندان تانيش اولموشلارين روايتينه گؤره شاعير ايستانبول حياتينين اساس حيصصه‌سيني كيتاب و تدريس وساييلي ساتماقلا ياشايار و آليب ساتديغي ادبي اثرلري ديققتله اوخويارميش. ايستانبول حياتينين اووللريند‌ن باشلاياراق «ميرزه علي» شئعر يازماغا باشلايير و اؤزونه «مؤعجوز» تخللوصو سئچير.
«ميرزه علي معجز» 1283 - نجو ايل، اون آلتي ايلليك ايستانبول حياتيني آرخادا قوياراق، قارا د‌نيزين«باتوم» ليماني و قافقاز يولو ايله دوغما يوردو شبيستره دؤنور و هله يولدان باشلاياراق وطني و خالقينين گئري قالماسي، ديني خورافات پنجه‌سينده اسير اولماسي، تازا عئلم، حيات و تئكنيكه بيگانه اولماسيني گؤره‌ره‌ك، اؤز دئدييي كيمي، «نووحه خانليغا» باشلايير، اؤزو ده محض آنا ديلينده، داخيلينده ياشاديغي خالقين ديلينده، ساده توركي ديلينده قلم چالير و بو ايشده تام شوعورلو حركت ائده‌رك يازيردي:
باشارسان هر نه، مؤعجوز، ياز آنان تعليم ائده‌ن ديلده
گزه‌ر بير آرماغان تك دفترين، بيل، چين-و تاتاري
ميرزه علي مؤعججز، بوتون حياتي بويو، بير سطير ده اولسا، شئعر يازماق خاطيرينه قلم چالماميشدير، اونون هر شئعري، هر بئيتي و هر ميصراعي موعيين ايجتيماعي نوقصانين ايفشاسينا، سئودييي خالقيني گئري ساخلايان عاميللرين قامچيلاماسينا حصر اولموش و بو ايشده اونون هدفي بو نوقصان جهتلري دوغما ديلده خالقينه آنلاتماق، باشا سالماق اولموشدور. شاعير بو موقددس هدفينه آنا ديلينده يازماقدان باشقا آيري يول ايله چاتابيلمزدي. بلي، ميرزه علي مؤعجوز هر بير خالقين، ائله‌جه ده دوغما خالقي اؤز ميللتينين ترققي، اينكشاف و ايره‌ليله‌مه‌سينده دوغما ديلين هئچ نه ايله عوض ائديله‌بيلمز رولونو چوخ ياخشي بيليردي و محض بونا گؤره ده مؤعجوز آنا ديلينده يازماق عيناديني، هر طرفلي فيشارلارا باخماياراق، حياتينين سون گونونه قده ر ساخلاميش و اوندا ذره‌جه ده اولسا، لاخلاماميشدير. شاعيرين بو فيكرينين شوعورلو اولدوغونو اونون اؤز يازيلاريندا دا آشيكار شكيلده گؤرمك اولور.
شاعير، نظره گلن، عؤمرونون سون ايللرينده و يا شاهرودا گئده ركن تبريزه حاجي محمد نخجوانينين ائوينده، فارس ديلينده، اؤز حياتيني اولدوقجا قيسا، لاكين دولغون، درين و معنالي شكيلده تصوير ائده ركن، قئيد ائتديييميز واقيعييتي بئله گؤسته رميشدير: «بنده‌نين تخللوصو و سوي آدي مؤعجوز، آديم ايسه علي‌دير. شبيستر تاجيرلريندن بيري اولموش آتام حاجي آغا، من 16 ياشيندا اولاركن، وفات ائتدي. ايستانبولا گئتدي. 16 ايل اورادا قالديقدان سونرا، شبيستره قاييداركن، وطنيمين آغير و كدرله ندريجي حاليني موشاهيده ائتديكده، نؤوحه اوخوماغا باشلاديم. منيم نؤوحه خانليغيم آخوندلارين خوشونا گلمه‌دي، منه حرب اعلان ائتديلر، 26 ايل بيري - بيريميزله ووروشدوق، يعني خئيرات وئرديلر، مني چاغيرماديلارּ توي ائتديلر، حاضير اولماديم، لاكين بونا رغمن، تام جسارتله آخيرا قده ر ووروشدوم، يعني يازديم، اؤزو ده دوغما آنا ديليمده، توركجه يازديم. آللاها شوكور، سونلاردا آزادليق منه قيسمت اولدو. بوگونه قده ر تقريبناوچ مين بئيت شئعرلريمدن يولداشلارا وئرميشم، بنده‌اؤزوم توپلاماميشامּ لاكين بعضيلري توپلاييبلار. شيرين فارس ديلينه ياخشي بلد دئييلم، بونا گؤره فارسجا آز يازميشام، بوندان علاوه مولاحيظه ائتديم كي، اكثري تورك ديللي اولان آذربايجان خالقي فارس شئعريندن فايدالانا بيلمه‌يه جكلر و منيم مقصديم مطلبي باشا سالماق ايدي، ايسته‌ييرديم كي، قادين و كيشي هامي بيلسين. شئعرلريمين چوخو گولمه‌لي / ساتيريك م./دير. خالقين شئعرلريمه رغبت گؤسته رمه‌سي وشؤهرتله نمه‌لرينين سببي ده بودور، قابيل اولدوقلاري اوچون يوخ.»
معجزين بو سطيرلري محض فارسجا قلمه آلماسي و«آللاها شوكور، سونلاردا آزادليق منه قسمت اولدو»دئمه‌سي آيدين گؤسته‌ريركي، شاعير اونلاري يارضاشاه سلطنه‌تينين اوللرينده قلمه آلميش و بير چوخ‌او زامانكي ايران ضياليلاري كيمي، رضاشاهين‌اينگيليس ايمپئر ياليزمي سياستي ايله اويناديغي حيله‌گرانه روللارا اينانميش، يادا رضاشاهين‌ديكتاتورلوغوندان احتياط ائدرك بئله يازميشدير.لاكين شاعيرين سونراكي ياراديجيليغي آيدين‌گؤسته‌ريركي، معجز رضاشاهين ضيدّ ميلّي و موستمله‌كه سياسه‌تيني باشا دوشموش اونا قارشي جيدّي‌موباريزه ائتميشدير.
بونودا قئيد ائدك‌كي، معجزين «بوگونه قدر تقريباًاوچ‌مين بئيت يازيب يولداشلارا وئرميشم» دئمه‌سي،بيله - بيله و يا بيلمه‌دن و تواضعكارليقدان ايره‌لي‌گلميشدير، چونكي بيزيم توپلاييب دئورلشديرمه‌سينه‌موفّق اولدوغوموز معجزين شئعرلري، رضاشاه زامانيناقدركي دؤرد دؤورون ياراديجيليغيندا تقريباً 6500بئيت، رضاشاه دؤورنده ايسه/ 1312-1305 ش /تقريباً 3000 بئيت اولموشدور.
شاعيرين بو قيسا ترجمه حاليندا آنا ديلينده يازماغاعيناد گؤسترمه‌سي نشان وئريركي، ميرزه علي معجزديلي ميلّه‌تين ترقّي، اينكيشاف و ايره‌لي‌له‌مه‌سينه‌قاناد حساب ائديردي، يعني ميلّتين ديلي باغلانسا، اوميلّت گئري قالاجاق و اؤزگه ميلّتلرين تاپداغي آلتينداقاليب اه‌زيله جكدير.
ميرزه علي معجز مشروطه انقلابي عرفه‌سينده‌وطنينه قاييديب عايله حياتي قورور. عايلوي حياتين‌ايلك ايللرينده تبريزده مترقي و ارتجاعي قوه‌لرآراسيندا اؤلوم - ديريم موبارزه‌سي، قانلي دؤيوشلرگئدير. قلمله و آنا ديلينده بو دؤيوشلرده شركت ائتمك‌ايسته‌ييرسه‌ده، گوروندوگو كيمي، تورك ديلينده اولان‌شعرلر و اثرلره خوش اوز گؤسترمه‌ين تبريز غزئتلري‌مديرلري‌نين خوشا گلمز مناسبتي معجزي مشروطه‌حركاتيندان اوزاقلاشديرير، داها دوغروسو اونو بوانقلابين خئيرينه يازماقدان ساخلايير. شاعير بو دؤورده‌يالنيز عادي اجتماعي حيات نقصانلاري و مسئله‌لريني،گئريليكلري و ديني خرافاتي قلمه آلير و سانكي‌مشروطه انقلابي تبريزده باش وئرمير. شبه سيزكي، ستارخان، باقرخان، باغبان، ويوزلرجه‌اؤلمز ايگيت و ملي قهرمانين رشادت وقهرمانليقلاريني گوروب، ائشيديب سوسماق معجزكيمي وطن‌پرور بير شاعيرده‌ن گوزله‌نيلمزدير. لاكن‌ميرزه علي معجز عموميتله مشروطه حركاتي و اونون‌نتيجه‌لرينه خوش بين اولماماقدا بير او قدر ده‌يانيلماميشدير. اونا گوره، بو انقلابين دوشونن بئيني«علي مسيونون» آرادان آپاريلماسيله او انقلاب اؤزملي وظيفه‌سي، ايران ملتلرينه ملي حق و اؤزديللرينده‌ن استفاده حقي آلماسي كيمي ان اساس‌وظيفه‌لرينين بيرينده‌ن محروم ائديلدي. بونا گوره‌ده،محض بو ملي عاملين بوغولماسينا گوره، انقلابين‌قانلي گونلرينده توركي ديلينده يازماماق، يازانلاري‌يانلاماق، پيسله‌مك، تحقير ائتمگه باشلايان ضيد ملي،شوونيستي سياستين عمل ائتديگينه گوره، / معجز بوتحقيره معروض قالميشدير/، مشروطه انقلابي، ايران‌جمعيتين دؤرده اوچ حيصه‌سيني تشكيل ائدن، اصيل‌خلق قوه‌لريني ايتيرميش و اونون دا نتيجه‌سينده‌تهرانين «اتابك پاركي»ندا، اصيل معنادا، بوغولوب‌آرادان آپاريلميش و اوندان يالنيز محتواسيز بير قورو آدقالميشدير.
محض بو سببلره گؤره‌ده مشروطه انقلابيندان سونرا«رضاشاه» و «محمدرضاشاه» ديكتاتورلوقلاري‌ياراندي و اونلارين حكومتي دؤورو محكوم ايران‌ملتلرينين ميلّي حقلري و ديللري بوغولدو و اونلاردان‌سونرادا ميلّي مسئله‌يه ضيدّ اولان بو سياست و وضعيت‌داوام ائتدي. مشروطه انقلابي ايللرينده، انگليسلرين حيله‌سيله‌بونؤوره‌سي قويولموش بو ضيد ميلّي، شوونيستي‌سياستين نه زامانا قدر داوام ائده‌جگي و نتيجه‌ده ايران‌و ايرانليلارين نه وقته قدرگئري قالميش و بيگانه‌لرده‌ن‌آسيلي اولاجاقلاري هله معلوم دگيلدير. بلي! ميرزه علي معجز مشروطه انقلابينا خوش‌بين‌اولماماقدا بير او قدرده يانماميشدير.
بيرينجي دونيا محاربه‌سينين باشلانماسي / 1293ش/ 1914 م./، استانبول و روسيه يوللارينين‌باغلانماسي، بوتون ايران آذربايجاني، او جمله‌دن‌شبستر عايله‌لريني اولدوقجا آغير وضعيته سالدي.ميرزه علي معجز بو دؤيوشون بوتون داخلي و خارجي‌سببلريني، هابئله ايران و آذربايجانا خاص‌ّ اولان‌اجتماعي نقصانلار و گئريليكلري آچيق شكيلده تصويرو ايفشا ائدير، ديني خراقاني قامچيلايير، ايراني آوروپاايله مقايسه ائدير، بوتون خلق، ائلجه‌ده قادينلارين‌ساوادلانماسي لزومونو باغيرير:
تكذين جهلي اولماسا زاييل
اوغلو اولماز تمدونه ماييل
بو و بو كيمي اونلارجا ايجتماعي مسئله‌لر، بوتون‌ياراديجيليغي دؤورلري اولدوغو كيمي، بو دؤورده‌ده‌معجزين دقّت مركزينده دايانير. روسيه‌ده كومونيستلرين ايش باشينا گلمه‌سي‌معجزين ياراديجيليغيندا صنفي ايختيلافلارين آچيق‌تصويريني گوجلنديرير، اوكتوبر اينقلابينين‌غلبه‌سينده‌ن سونرا اوّللر اونو مثبت قيمتلنديرير، لاكن‌نئچه ايل سونرا اونو جيدّي شكيلده تنقيد ائدير. بو ايللرده معجزين ديني خورافاقا قارشي فكيرلري وموباريزه‌سي داهادا شيدّتله‌نير و ده‌رينله‌شير، او داهاداايره‌لي گئدير و شئعرلرينده آچيق و آيدين شكيلده هرجور موهوماتي ديندن ايمتيناع ائدير، اونون كؤكونون‌وارليق دليللريني و اونلارين خصوصييتلريني سؤال‌آلتينا آلير، خلقين نظرينده اونا شوبهه ياردير. اؤزو اوناگولور و اوخويانلاري دا گولدورور. بو موباريزه بوندان‌سونرا داهادا ده‌رينله شير و شاعيرين ياراديجيليغيندامهم و يارارلي، قيمتلي و ميثيل سيز جهت، معنا، مفهوم،ده‌رينليك و عمق مئيدانا گه‌لير. بو فيكري موباريزه‌شاعيرين حياتينين سونونا قدر دايانمادان داوام ائدير وگئتديكجه‌ده ده‌رينله‌شير.
بوتون بو ايللرده شاعير استانبولدان گتيرديگي پول وقارداشي «حسن»نين يارديمي ايله ساده و منت سيزحيات سورموشدور. بو ايللر و بوندان سونراكي ايللرميرزه علي معجز نئچه دفعه تبريزه و بير دفعه خوي‌شهرينه سفر ائتميشدير. تبريز سفرلرينده شاعير هميشه‌حاجي محمد نخجواني گيلين قوناغي اولموشدور. بوسفرلرين بيرينده، 1300 - نجي ايللر حدودلاريندا،اوندان شكيلده آلينميشدير.
شمسي اون اوچونجو عصرين سون ايللريدير،9-1298 نجو ايللردير. مشروطه انقلابيني موفقيتله‌بوغموش و كؤهنه نوكرلريني ايراندا ايش باشيناگتيرميش انگليس امپئرياليزمي، روس تزارينين،اوكتوبر انقلابي واسطه‌سيله ايرانين سياست‌صحنه‌سينده‌ن چيخماسيندان استفاده ائديب، ايراني‌تاماميله اؤرتولو بير مستعمره شكلينه سالماق وقاجارلارين يئرينه بير قولاغي سيرغالي نؤكرلريني شاه‌ائتمك ايستيرلر. مشروطه انقلابي دؤورو آذربايجان خلقينين‌قهرمانليغيني گوزو ايله گورموش حيله كار انگليس‌لوردلاري، چوخدان باشلانميش كورد حركاتيله بوتون‌آذربايجاني قريبه بير قورخو و نيگرانليق ايچينده‌ساخلايير، كوردلرين غارت، قتل و تالانلاريني«دئموكليس قلينجي» كيمي آذربايجان خلقينين باشي‌اوستونده ساخلاييرلار. او بيري طرفده‌ن ايسه ساوادسيز«قاراسوراني» صيرف نؤكرلري اولان «رضاخان‌ميرپنجي»، بير ناجي كيمي، كورد نيگرانليغينا خاتمه‌وئرن ميلّي قهرمان كيمي، ايرانين سياست مئيدانيناچيخارديرلار. بو ايللر / 1300-1297 ش./ آذربايجان‌و خصوصيله غربي آذربايجان و گونئيده نيگرانليق‌ايللري آدلانابيلر. بو ايللرده بو منطقه‌ده و آذربايجانداخلق قورخونج بير نيگرانليقدا حيات سوروردو.معجزين بو دؤوركو ياراديجيليغينا بير قورخو ونيگرانليق كؤلگه سالماقدادير. خلقيني سئوه‌ن و اونوآغير گونده گوره‌ن شاعير معجز بو نيگرانليغي وار گوجوايله باغيرير و پرده دالينداكي حيله‌لرده‌ن خبرسيزاولدوغو اوچون، «سردار سپهي» بو قورخونو آرادان‌آپاران بير قهرمان كيمي، آلقيشلايير، تعريفله‌يير. بودؤور، بو آغير قورخو سايه‌سينده و يا بير سيرا باشقاعلتلره گؤره ميرزه علي معجز «جنگل» حركاتيني داخلقين زيانينا بيلير، اونودا نيگرانليق و قورخو يارادان‌بير حركت كيمي غيرمترقي گؤسترير و خياباني وكولونئل محمد تقي خان پسيان و لاهوتي حركتلرينين‌بوغولماسيندان كدرلنمير.
بو دووروده ميرزه علي معجز ايرانين سياسي‌وضعيتي، شورا مجلسي محيطينده درين معنادا فيكروئريرو يازير:
فقيرين حاليني بيلمز او ميليونر وكلا
گرك منيم كيمي بي چيز اولانماينده
دئيه شاعير، حقيقتده بوغولموش و سؤزده اعيان -اشرافلارين اويونجاغي اولموش، كؤهنه الدوله‌لرين‌توپلانتي مكانينا چئوريلميش شورا مجلسينين‌ماهيتني افشا ائدير، ساده خلق و ازيلميش ملتلرله‌اونلارين آراسينداكي بؤيوك اوچورومو گوسترير.
1301 - ينجي ايل مردادين ايگيرميسينده / اسدبورجونون ايگيرميسي / كور دوستاندا «چهريق»قالاسينين آلينماسيله غربي آذربايجان و گونئي ماحاليناكؤلگه سالميش قورخو و نيگرانليق سونا چاتير. بوفتحين «سرتيپ امان الله ميرزه» اليله اولماسيناباخماياراق، رضاخان اوخ سرعتيله بوتون ايران‌اوردولارينين رييسي - سردار سپه - ليك و «وزيرجنگ»ليگه دوغرو ايره‌ليله‌يير. بو دؤور «رضاخانين»شاه اولماسي، يعني 1304 - و نجو ايله قدر داوام ائدير.
بو دؤور ميرزه علي معجز «سردار سپهي» آلقيشلايير،توركجه و فارسجا اونا تعريف دولو شعرلر يازير واونلارلا تهرانا گئديب «سردار سپهي» تبريك ائتمك‌ايسته‌يير، اونا گوره‌كي، اونون سئوديگي خلقيني‌نيگرانليقدان خيلاص ائتميشدير:
معجزا برخيز و روتهران براي تهنيت
اين دو مصراع را بخوان اندر ستايش بارها
تا فلك در گردش استي نيك نامت زنده باد
عرض تو، اجلال تو، اقبال تو پاينده باد
«گل باشيم اوسته» باشليقلي شعرينده نيگرانليق‌ايللرينده غربي آذربايجانين باشينا گلميش فلاكتلري‌ساياندان سونرا، اونلارا سون قويان «سردار سپه»ده‌ن‌اوركده‌ن تشكر ائده‌رك يازيردي:
سركرده‌ليك جنابيوا مخصوصدور فقط
حق ساخلاسين بلادان اؤزون، هم رعيتين.
سايه‌نده گرك‌ميش ايله همدوش و هم قطار
مظلوما دوست، ظاليمه دشمندي خلقيتين.
يوخدور سؤزونده ذره خيلاف و مبالغه
نوشيروان عادلي باسدي عدالتين.
مين داغ چكدي سينه ميزه دشمن اي امير
آل انتقام ملتي، قوربان غيرتين.
دايم بو نقد جاني سنه ائيلرم نثار
گورسم جيدادا باشيني سردار نصرتين.
بو ايللرده ديركي، ايرانليليق، پان ايرانيسم فيكيرلري،انوشيروانين عدالتيني اؤيمك، بهمن و دارا آدلاري ايله‌اؤيرنمك گورونور. بيلديگيميزكيمي بو فيكيرلرسونرالار داهادا گئنيشلندي و رضاشاه حكومتينين‌داخلي سياستينين اساس ستونونو تشكيل ائتدي. لاكن رضاخانين 1304 - و نجو ايلده شاه اولماسيندان‌سونرا شاعرين بوتون بو تعريفلري و ايرانلي‌ليغااؤينمه‌لري اؤرتولو تنقيده چئوريلير.
شبستر حياتينين سون دؤورو / 1305-1312 ش. /ميرزه علي معجز هر طرفده‌ن معنوي و مادي فشارامعروض قالير، قارداشي حسينين استانبولدا وفاتي‌شاعيره يارديمينين كسيلمه‌سينه سبب اولور. بو زامانداشاعير، بعضي خرافي‌لر طرفيندن‌ده داها آرتيق روحي‌فشارا معروض قالير.
معجزين شبستر حياتينين سون دؤورونده انگليس‌عاملي رضاشاه، اؤز اربابلارينين گؤستريشيله بير سيرامثبت و منفي اجتماعي ايشلره ال آتير: بير طرفده‌ن اورتا عصيرلر يادگاري كؤهنه و گئري‌قالميش اداره اصوللاري اؤز يئريني تازا سيستيم‌اداره‌لره وئرير، تازا اصول مكتبلر آچلير، بير عده‌لرين‌نفوذ و محدودلاشير، اوروپايا شاگردلر گونده‌ريلير، تازاسيستيم اوردو مئيدانا گلير... او بيري طرفده‌ن پان ايرانيسم شئيپور و سسلنمه‌گه‌باشلايير، ترياك و اونون چكمه‌سي ماليه اداره‌سي‌واسطه‌سيله، بير نوع رسمي شكيلده ياييليب تشويق‌ائديلير، تازا اداره رييسلري، چوخ حاللاردا، تريه‌كه‌مبتلا شخصلردن سئچيلير، عدالتسيز وئرگيلر خلقه‌تحميل اولور، ابتدائي انساني حقوقلار، آزادليقلاررحمسيزجه‌سينه بوغولور، فارس ديلينين رسمي‌دؤولت ديلي اولماسيندان سوءاستفاده ائده‌ن رضاشاه،انگليسلرين تاپشيريغي ايله، ايران اهاليسينين بئشده‌دؤورد حيصه‌سيني تشكيل ائده‌ن غيرفارس ملتلرين‌ديللري قاداغان اعلان ائدير، بوغور، بو ديللرده حتي‌دانيشماق بئله ياساقلانير. بونونلادا رضاشاه معجزكيمي شاعيرلرين ياراديجيليغي و بوتون شخصيت ووارليقلاريني، مليت و انسانليقلاريني، اونلارين ملي‌ديل و ادبياتلاريني گوبود جاسينا تحقير ائديب آياق‌آلتينا سالير...
ائله بو اجتماعي سببلره گوره‌ديركي، شاعير بيرطرفده‌ن «مژده»، «عيديانه»، «خانم سوره» و... آدلي‌شعرلر يازيركي، اونلاردا مكتبلرين آچيلماسي،قيزلارين اوخوماسيله علاقه‌دار فيكيرلر يايير، جهلي‌پيسله‌يير، كؤهنه اصول اداره مامورلارينا گولور،اونلاردان گولونج شعر كاريكاتورلاري يارادير وروحلاناراق:
تا مادر اطفال نخوانند و ندانند
اطفال چنين مادر خر، خربچگانند
كيمي فارسجا گؤزل و دولغون شعرلر يازير، غربتده‌كي‌وطنداشلارينا ايرانين ترقيه باشلاماسي بارده مژده‌وئرير اونلاري وطنه قاييتماغا چاغيرير. ديگر طرفده‌ن ايسه:
قويدو بير تاج باشينا لوتي
چكدي ترياكي، اولدو لاهوتي
و يا:
خلق مشغول بناگه سوخولار مسجده
شيراوز قويار خلقه طرف مثل رضاخان يئرييه
دئيه رضاخانين قولدورلوغو، بير قاراسورانليقدان‌شاه ائديلديگي و خلقي ترياكه مبتلا ائله‌مه‌سيني مزه‌لي‌شكيلده افشا ائدير. رضاشاه قولدور، سونگويه، اجنبيلره داياناراق‌قاجارلارين استبداديندان داها گوبود بير ديكتاتورلوق‌ايران خلقلرينه تحميل ائدير، لاكن وطني و خلقيني‌اوركده‌ن سئون، اؤنا كؤنول وئره‌ن، اونون يولونداجاندان، باشدان كئچن شاعير بئله ديكتاتورلارا باش‌ايمز، اونون تورك ديليني ياساق ائتمه‌سينه اهميت‌وئرمز و گئنه‌ده آنا ديلينده يازار، تا ظاليمه باش ايمه‌ك‌اونو داها دا قان ايچن و جلاد ائتمه‌سين:
بيز وطن عاشيقلري باش ايله جاندان كئچميشيك
ظاليمه عادل دئييب باش ايمه‌ريك، خونخور اولا
اوللر «سردار سپه» اومود گؤزو ايله باخميش معجزاونون قولدورلوقلاريني گؤردوكده اونو «سرخيل» /آت سوروسونون باشچيسي / آدلانديرير، حريتي‌بوغان، شن حياتا غم اله‌ين گؤسترير:
هر واراق‌دا كي، لفظ حريت
گوردو سر خيل، تئز اونو يالادي،
تاري سينديردي، دونبگي ييرتدي
دوشدو معجزداماقدان، اي مؤمن.
ديكتاتورلوغون شرقي شكيليني، ان گوبود نوعواولان رضاخان استبداديني و اونون خلقه منفي‌تاثيريني «بؤرك ماجراسي» آدلي شعرده آيدين گؤرمك‌اولار. رضاشاهين قولدورلوغونو مشاهيده ائده‌ن معجزگؤستريركي، او ايراندا هئچ بير اساسلي مترقي ايش‌گؤرمه‌ميشدير و اوللر اولدوغو كيمي، گئنه ده جهالت‌بولودو ايرانين هر يئرينه كؤلگه سالماقدادير:
سحاب جهل هنوز حكمراندير ايراندا
اينانمايين دئسه‌لر، اصفهان ايشيقلاندي.
آه من الجهل و حالاته
احرق عمري بحراراته
رضاشاهين استبدادينين ياراماز بير ثمره‌سي ده،انگليسلرين گؤستريشيله، ايران خلقلرينين ملي‌حقوقلارينين تاپدالانماسي، ياشاديقلاري يئرلرين‌تالانيب سويولماسي و يالنيز تهرانين آبادلاشماغاباشلاماسيدير. بو وضعيتي دويان شاعير:
صبا دوشسه يولون تهرانا سؤيله مير تهرانا،
فقط تهران دگيل ايران، گرك هر يان ايشقلانسين.
دئيه تهران حكومتينين آذربايجانا اؤگئي كيمي‌باخماسيني افشا ائدير.
آنا ديلينين ياساق ائديلمه‌سي ميرزه‌علي معجزي داهاچوخ دوشوندورور، اونا گؤره‌كي، او خلقين ترقي وسيله‌سيدير و تهران حكومتي آذربايجانين ديليني قاداغان‌ائتديكجه او ميلتين گئري قالماسينا امين اولوب،اوندان نيگران اولماز، لاكن آذربايجان خلقي اؤز آناديلينده يازيب اوخوسا، تهران آذربايجاندان نيگران‌اولاجاقدير، اونا گؤره‌كي، بوندان سونرا او ملت داهاتهران طرفينده‌ن سويولماياجاق، زورا و حقوقسوزلوغاباش ايمه‌يه‌جك، اينگيليس ايمپرياليزمينين اصلاًايسته‌مه‌ديگي اينكشاف و ترقييه باشلاياجاق.
اوزامان خلق شادكام اولاجاق‌كي
وطن مادري زبان اولاجاق
اوندا تهرانلي ناگيران اولاجاق
اهل آذربايجانا، انشاللاه!
بو سببده‌ن ده فارس ديلينين رسميليگي ديللره‌دوشنده شاعير يازيردي:
ايندي فارسي دانيشماق سؤزو افواها دوشوب
آتش ظلم و ستم خئيمه و خرگاها دوشوب
شاعرين فيكيرينجه آذربايجانين تهران طرفينده‌ن‌ازيلمه‌سي، ديلينين ياساقلانماسي و بوتون بد بختليك‌و فلاكتلري بو خلقده بيرليگين اولماماسيندان ايره‌لي‌گلميشدير:
آنلاسايدي اتفاق و اتحادين حكمتين
بو قدر چكمزدي زحمت اهل - ديلمان، اي عمي!
بونا گؤره‌ده ميرزه علي معجز دوغما خلقيني بيرليك‌و اتحادا چاغيراراق يازيردي:
وئرين ال - اله اتحاد ائيله‌يين
گؤره‌نمز چون هر ايشي تك، دوستان.
شاعير اؤز خلقيني بيري - بيريني سئومگه چاغيرير،اونا گؤره‌كي، بونسوز بير ملت خوشبخت و آزاداولابيلمز:
هر مملكت جماعتي سئومزسه بير – بيرين
قارداش كيمين، يئتيشمز او ملت سعادته
بئله‌ليكله معجز شبستر حياتينين سون دؤورونده‌رضاشاهين ديكتاتورلوغونو، ملي ظلمونو، بيگانه‌نؤكري اولماسيني،... ساده ديل و گوجلو منطق ايله افشاائديردي. بونونلا برابر رضاشاهين اوللر روحانيتله‌نسبتاً مخالفتي سبب اولوركي، شاعير بو دؤوروده اؤزضيدّ خرافات فيكيرلريني آچيق، قورخوسوز وجسارتله، دؤنه - دؤنه آچيب سؤيله‌سين و بو مسئله‌ده‌او قدر درين‌لشسين‌كي، تانيديغيميز ادبياتلارين هئچ‌بير شاعيري بو گونه قدر بو مسئله‌ده بو اندازه‌ده‌ده‌رينلشمه‌ميشدير. بونونلا علاقه‌دار معجز بو دؤورده كؤهنه حيات ومدنييت قاليقلاريني: خزنه‌لي حاماملاري، باشي قيخديريب ساققالي‌اوزالتماغي، ديني خورافاتي و مووهوماتي،... جيدّي‌تنقيد آتشينه توتور.
دئمك، ميرزه علي معجز شبستر حياتينين سون‌ايللرينده رضاشاهين ايراني، ايرانليلاري، او جمله‌دن‌آذربايجاني گئريليكدن نجات وئرمك و ايران ميلّتلرينه‌ميلّي حقوق وئره‌رك، اونلاري مترقّي بشرييت كاروانيناچاتديرماق فيكيرلريندن مايوس اولور و عملي حالداگؤروركي، رضاشاه اينگليس ايمپرياليزمينين عامليديرو او نه تكجه ايران و ايرانليلاري ترقّي، سعادت وآزادليغا دوغرو آپارماق ايسته‌مه‌يير، حتّي بو عاميل ونؤكر مووهوماتچي دين خادملرينيني، دربارا باش‌اه‌ييب تابع اولماق شرطيله، ساخلاييب حيمايت ائدير،تا اونلار ايران خلقلرينين اصيل اينكيشافينين قاباغيني‌آلماقدا، اينگيليس ايمپرياليزمي نؤكري شاهلاامكداشليق ائتسينلر. بوتون بونلاري گؤروب، دويان‌شاعير خورافات و دربار عنصورلريني بيرليكده تنقيدآتشينه توتور.
شاعيرين بو دؤور يارديجيليغيندادا قادين مسئله‌سي‌و اونلارين ساوادلانماسينين لزومو اؤز حادّليغيني‌ايتيرمه‌يير.
1312- نجي ايلده معجزين باجاناغي خطيب‌زاده‌نين‌اوغلو «شفيع‌خان»، خالاسيني گؤرمك اوچون، شبستره‌گه‌لير و بورانين عمومي وضعييتي و معجزين حياتيني‌گؤروب، قاييداركن آتاسينا حكايت ائدير. آقاي‌خطيب‌زاده معجزه مكتوب يازاراق، اونو شاهرودشهرينه دعوت ائدير. ميرزه علي معجز بو چاغريشي‌بؤيوك ممونييتله قبول ائدير و باجاناغينا وئرديگي‌منظوم جوابدا شبستردن اوزاقلاشماغا مجبوراولماغينين علّتيني بئله شرح ائدير:
آمد چو پيام دوستان از شهرود
از آمدنش چنان شدم من خشنود
بوسيدم صد هزار بار آن نامه
صد شكر به درگاه تو اي رب ودود
كردي تو خلاص چون دل معجز را
از منگنه جفاي اين جنس عنود.
ميرزه علي معجز 1312 - نجي ايل شهريور آييندا،خانيمي ايله بيرليكده، ائو اثاثييه‌سيني ييغيشديراراق،شبسترلي دوستلاريندان تقريباً ايگيرمي نفرينين‌موشايعتي ايله تبريزه و اوردان شاهرودا گئدير. ميرزه علي معجز بو دفعه تبريزده معاريف پرور تاجيررحمتلي حاجي محمد نخجواني و قارداشي حاجي حسين‌نخجوانينين قوناغي اولور، اوردا اؤز اليله قيسا شرح‌حاليني يازيب نخجوانيلرين يانيندا قويور. حاجي‌محمد نخجوانينين اوغلو «علي آقا» معجزين سون‌شكليني چه‌كير. بو فوتو شه‌كيل حاجي محمد نخجوانينين معجزين‌شئعرلرينه ترتيب ائتديگي ال يازما دفترين ايلك‌صحيفه‌سينه ياپيشديريلميشدير و شاعيرين سون‌شكليدير.. دفتر، تبريزين ميلّي كيتابخاناسينداساخلانيلير.
ميرزه علي معجز ايل ياريم شاهرود شهرينده ياشايان‌آيلارين اوّللرينده، شاهرودا سفر زاماني موشاهيده‌لريني، فارس خلقينين گئري قالميش حياتيني‌ايكي گؤزل منظومه‌ده تصوير ائتميشدير. سونراكي آيلاردا ايسه، شاعير شبسترلي دوستلارينامكتوبلاريندا، هابئله نخجوانيلره يازديغي نامه‌لرده‌آيريليق حسرتيله دولو شئعرلر يازاراق، اونلاردان‌آيريلماسيندان پئشمان اولدوغونو بيلديرير و هم فيكيرو روشنفيكير دوستلاريندان آيريلماسيندان كدرله‌سيزلايير:
دوشنده ياديما ياران محمد الخصال هرگون
آخارقان چشمه - چشمه فيكيريمه قلب مكدردن،
فراق ائيلر جيگر پاره، سيزيلدار قلب - بيچاره
فراق دوستان بدتردي زخم تير و خنجردن.
شاعير شاهروددان يازديغي «محمد علييه مكتوب»عنوانلي شئعرينده ده‌گيرمانچي «عاشيق قاسيمي» واونون ده‌گيرمان دامي خاطيره‌لريني بير داها گؤرمك‌آرزولايير:
مني قاسيمدان ائتدي دور هيجران
حسين كورد ناغيلي قالدي نؤقصان،
دؤنر باشيم، اولار حاليم پريشان
سالاندا يادا بام - آسياني.
گذاريم دوشسه بيرده اول دياره
ده‌گيرمان دامينا چيخسام دوباره،
شب مهتاب و ابر پاره پاره
دئسن، وئررم قولاق تا صبح آذاني
ميرزه علي معجز شاهروددان يازديغي اكثرشئعرلرينده دوستلارينا آيريليقدان شكايتله‌نير وشبستردن آيريلماغينا تاسّوف ائدير و پئشمان‌اولدوغونو بيلديرير:
رنگيم ساراليب، لاغر اولوب نئي كيمي جسميم
بو حالا قويان عاشيقي هيجراندير، علي جان
دئمك شاعير شاهرودا گئدركن، عؤمرو بويو تاپديغي‌هم فيكر، اورك بير، ضيالي و شعورلي دوستلاريني‌ايتيرميش و شاهرود شهرينده اونلاري عوض ائدن‌دوستلار تاپابيلمه‌ديكده، تنهاليقدان سارسيميش دير،بو ايش، شبهه‌سيز، شاعيرين اؤلومونده تأثيرسيز اولماميشدير. ميرزه علي معجز شمسي 1313 - نجو ايل اسفندآيينين سونلاريندا، حياتيتنين 61 ايلينين تامام‌اولماسينا اون نئچه گون قالاندا وفات ائتميش و تصادفاًمشهده زيارته گئدن شبسترلي روحاني و معجزين‌تانيشي و دوستو حاجي سيّد رضي اونا نامازقيليب‌شاهروددا باسديرميشدير.
شاعرين وفاتيندان تقريباً 30 ايل سونرا، شمسي‌دؤوردونجو اون ايللگين اوّللرينده / ميلادي‌ايگيرمينجي يوز ايللگين 60 - نجي ايللرينين‌اوّللرينده / باكيدا ياشايان شبسترلي م.ت كيريشچي‌نين‌تشبّوثو ايله، شبسترلي باقر محمدزاده معجزين‌جسدي، شاعيرين اؤز وصييتي اساسيندا، شاهروددان‌شبستره كؤچوروب اوردا باسديرميشدير.
شاعرين اؤز حياتي دؤوروندن، اؤزونون‌ده يازديغي‌كيمي، بير سيرا مسلكداش دوستلاري اونون شئعرلريني‌آيري - آيري دفترلرده بير آرايا توپلاماغا باشلاميشلار.بونلاردان بو گونه قده‌ر بيلديگيميز مرحوم «بهرامي‌محمود» و بير نئچه نفر باشقا شبسترليلر اولموشلاركي،توپلاديقلاري شئعرلر دفترلرده اونلارين عايله‌لري و يامعين شخصلرده ساخلانيلماقدادير.
شاعيرين وفاتيندان نئچه ايل سونرادان باشلاياراق،نئچه نفر معاريف‌پرور، وطن سئور، اؤز ادبيات و ميلّي‌مدنييتلرينه قلباً باغلي اولان شبسترلي معجزين ال‌يازمالاري و مختليف شخصلر طرفيندن توپلانميش‌شئعرلريني بير آرايا توپلاماغا باشلاميش و بو ساحه‌ده‌چوخ زحمت چكميشلر. بو شخصلرين ان گؤركمليسي‌شبسترلي امكلي سرهنگ «محمد يوسف خئيرابي»اولموشدوركي، توپلاديقلاري بير نئچه فوتو نسخه‌ده‌اللرده دير. خئيرابي 1354-نجي ايلده توپلاديقلاريني‌اوستاد شهريارين نظرينه چاتديرميشدير.
1945-ينجي ايل اوکتيابرين 5- ينده (۱۳۲۴- ينجي شمسي ايل مئهر آيی‌نين ۱۳-ونده), جوما گونو شبيستر کوچهلرينده بير کيچيک قصبه اوچون غئير-ى عادي اولان بؤيوک غلبهليک واريدي. ايزديهامين اؤنونده تبريزدن گلميش بير دسته شاعير گئديردي و شبيستر اهاليسي اونلاري موشاييعت ائديردي. موختليف گئييملي, موختليف سيننيلي و موختليف پئشه صاحيبي اولان آداملاردان عيبارت بو ايزديهام، قصبهنين اَيري دالانلاريندان, دار کوچه‌لريندن گئچيب, دووارلاري پالچيقلا تميز سووانميش بير بينا قارشيسيندا دورور. بورا شبيسترلي شاعير رحمتلي ميرزا علي معجز´ين ائوي‌دير. اونون قلم يولداشلاري, سؤز شاگيردلري بؤيوک اوستادين خاطيرهسيني ياد ائتمک اوچون تبريزدن شبيستره گليبلر. تبريز «شاعيرلر مجليسي»نين قراريله مجليسين معجز´ه حصر ائديليمش بوگونکو نؤوبتي جلسهسي بورادا معجزين وطنينده گئچيريلهجکدير.
هر بير يئرين، مُختليف باخيمدان هانسي وضعيت‌ده و هانسي دورومدا اولدوغونو، اورانين ادبياتيندا و اونون نه ساحه‌ده و نه سويّه‌ده ايره‌لي‌له‌دييي و هانسي‌هدفلري ايرهلي سوردويونده آيدين و آچيق گؤرمك اولار. ادبيات، كئچيميش بيزلره و اينديكي حالي گله‌جك‌ده كي‌لره گوسته‌رن بير گؤزگو كيمي دير. ادبيات‌حقيقت آيناسي دير. ادبيات، زامانين نئجه‌ليگيني هارايلايان بير سس دير. ادبياتين هدفي، وظيفه‌سي و گؤره‌وي هر نه ديرسه، آذربايجاندا هميشه بو آغيرگؤره‌وين بؤيوك حيصه‌سي شعيرله باغلي اولموشدور. شعرين و عموميتله ادبياتين، بو وظيفه‌نين اؤنونده نه‌قده‌ر اوز آغ چيخابيلديسي، آيري بير بحث و آيري بير مجال طلب ائدير. آنجاق شعيره گلنده، جسارتله‌دئمك اولاركي، اگر طنز شعريني بو توپلومدان آييرابيلسك، ادبياتين اوزوآغ اولدوسو شُبهه ايله اوز به اوز اولا جاقدير. تأسفله جيدّي يازانلارين بير چوخوجيدّي اولاراق دوشونمه ييب‌لر عومورلريني قان سوران شاهلارين قوللوغوندا سوروب سووموشدولار. بعضاً ديلده عدالت دن دانيشيب ظولمه و حقسيزليگه قارشي قلم و ورانلار تاپيليرسا، اونلاردا يازديقلارينا آرخادورماييب دئديكلريني دانيب اؤزلريني‌اوجوز ـ اوجوز ساتيب اؤزلريندن ده، اؤزلوكلريندن ده كئچه بيلميشديرلر.
هنگامي كه هويت و آفرينندگي ادبي ميرزا علي معجز (7 حوت (اسفند) 1252 شبستر -12 شهريور 1313 شاهرود) طنزپرداز شبستري را در متن آثار پر محتوايش جستجو و بررسي ميكنيم، در مييابيم كه وي مسلمان حقيقي و انساندوست راستين بود كه موهبت الهي نصيب زادگاه شيخ محمود شبستري كرده بود. زنده ياد م. ع. معجز تحصيلات اوليه را به سبك قديم فراگرفته و پس از درگذشت پدر در 16 سالگي بنا به دعوت برادر بزرگش حسن افندي همراه كاروان غربت كش، رهسپار استانبول (پايتخت عثماني) ميگردد و بنا به گفته همشهريهاي استانبول به شغل لوازم التحرير فروشي مشغول ميشود و در عنفوان جواني تحت تاثير مجله وزين (ثروت فنون) ارگان ادبيات نوين ترك قرار گرفته و از آثار غني نامق كمال (وطن شاعيري)، توفيق فكرت و محمد عاكف (نويسنده سرود ملي تركيه) بهره مند شده و به سرودن شعر آذري شروع ميكند.
سرييه خانيملا وئريب قول - قولا
تا جايي كه اطلاع داريم شما اطلاعات جامعي در مورد شاعر بلند آوازه و طنزپرداز آذربايجان «ميرزا علي معجز شبستري» داشته‌ايد لطفاً در اين مورد به‌چه نتايجي رسيده‌ايد؟
